仲記得我同弟弟細細個既時候, 爺爺好鐘意帶我同細佬去飲早茶. 但在果個年代, 我地既飲早茶唔係好似依家咁去吃點心既... 而是去Kopi茶檔(香港俗稱既茶餐廳)度嘆茶/吃生熟蛋.
爺爺通常會叫杯茶給自己然后幫我們order兩粒生熟蛋. 落單之后, 茶檔伙計就拿著一個裝滿熱水既鐵嘜(這個唔係好識解釋, 類似現在我們用既不銹鋼煲咁既物體..)然后放兩粒雞蛋進去, 面頭再用一個小碟蓋住放在我們張臺. 等得差不多既時后, 爺爺就會揭開個碟仔撈起"嘜"里面果兩粒雞蛋 敲爆它, 將剛剛好半熟既蛋漿放落個碟仔度, 幫埋我們放少少醬油, 少少胡椒粉然后攪勻分給我同細佬一人一碟. 我同細佬都鐘意拿啲蛋漿來點面包吃.
到大個左.. 我同細佬都好少再跟爺爺去飲早茶... 而係變左同朋友一起出去吹水浦mamak. 有時會見到朋友order生熟蛋, "啊neh"(印度伙計昵稱?!..)會直接拿兩粒已經準備好既生熟蛋來. 打開, 依然係半生熟既蛋漿, 但那種感覺就同細個爺爺帶我們去飲早茶時唔一樣.
再大點, 嫁埋人... 好久都無吃過生熟蛋, 也無整過給老公吃.. 可能係懶又可能係更本忘記左這種兒時吃過既嘢...直至有一次, 睇到有個部落介紹滾蛋而令我念返起生熟蛋!! 就係咁, 生熟蛋就在我既生活里重出江湖喇!!!
準備材料:
雞蛋 - 4粒 (我同老公一人兩粒)
熱水 - 適量
湯碗 - 1個
碟 - 1個
做法:
1. 將雞蛋放入大湯碗里, 到入熱水 (熱水一定要蓋過所有雞蛋), 用碟子蓋好. 等15分鐘. 即成!!
2. 取出雞蛋敲破, 半生熟既蛋漿就會流出, 加少許醬油和胡椒粉攪勻, 趁熱享用!!
注: 您可直接將蛋汁吞飲或點面包慢慢享受!!
香滑美味生熟蛋 + 面包 = 正!!
没有评论:
发表评论