2011年10月27日星期四

香蘭椰汁戚風蛋糕


好耐無整蛋糕喇!! 真係好手癢啊!! 但係因為老公近排經常出差,所以無乜敢整。因為怕無人幫襯要自己一個人吃嗮整粒蛋糕! 果時真係肥死咯!!!

但係真係停工左好耐,每次上面書睇到人地整蛋糕就心動,所以就不管三七二十一,整左先之算啦!! 上網找左啲食譜,覺得呢個香蘭戚風蛋糕色水最吸引我,就咋咋臨準備材料開工喇!! 初時都幾怕會失敗架!! 但好彩係成功啊!! 烤既時候仲滿屋香蘭既香味,出爐後真係好開心!!

但,正與我所料,蛋糕需要自己吃嗮。真係幾恐怖下....

2011年5月18日星期三

原味戚風蛋糕


連續試做左兩日鱷梨戚風蛋糕,但都宣告失敗,不知問題出係邊度,傷心欲絕! 可能我真係開心得太快,先前用戚風模做左兩個成功既戚風就得意忘形。覺得應該係時候再檢討一下,從新來過。所以今日整左個原味戚風睇下掂唔掂.... 可能係太緊張既關係,入烘爐前忘記將個模敲下,所以蛋糕組織見到大氣泡既出現.... 而且脫模脫得一啲都唔靚!! T_T

2011年5月14日星期六

車打芝士片戚風蛋糕 (Cheddar Cheese Chiffon Cake)

話說買左個6'細既戚風模,整左個個人認為超靚既朱古力蛋糕,當然係要趁勝追擊一直咁做落去啦!! 哈哈哈!! 所以,我隔天就整左個車打芝士片戚風蛋糕喇!!

老實講,我屋企無嘢多,就係多平時買買埋埋啲烘培材料,驚死無得買咁。所以,我分分鐘可以整個禮拜無出街兼日日都做唔同款式既戚風都無問題! :)車打芝士片係我屋企雪櫃已經有一段時間。見無人吃,做得唔好嗮,就地取材!

上網蒐集幾款唔同既食譜,發現大家既材料同做法都有唔同。混合所有食譜,整左個個人既車打芝士片戚風食譜。既簡單,又簡易!

材料:
車打芝士片-3片,鮮奶-40克,細砂糖-10克,奶油-20克,蛋黃-3粒,低筋麵粉-40克
蛋白-3粒,細砂糖-25克 (我無用塔塔粉)

做法: (簡單如ABC)
1. 將鮮奶,細砂糖,奶油隔水煮溶再加入車打芝士片煮溶。趁微溫加入低粉拌勻,再加入蛋黃攪拌均勻。
2. 將蛋白打至起泡,加入所有細砂糖,再將之打至乾性發泡。
3. 將1/3蛋白加入麵糊,攪拌。
4. 將(3)倒入其餘的蛋白中攪拌均勻。
5. 預熱烤箱160度,烘烤40分鐘。(時間只供參考)
6. 蛋糕烘好後馬上取出,倒扣。待涼後脫模。

香噴噴軟綿綿既車打芝士片蛋糕,成功!! 開心!! :)

2011年5月13日星期五

超濃朱古力戚風蛋糕


自從朋友告訴我既戚風唔成功可能係因為我用既唔係戚風模後,我就"的"起心肝特地去買個戚風模再返來試喇!  因為屋企人口唔多,所以我只係敢買個6'既戚風模返來玩下,個模細細地,真係幾得意架! 再加上打蛋白霜並唔係我既強行,所以特地請教左賣模既老闆娘。老闆娘講,個模唔大,所以兩粒蛋就已經好足夠架喇,蛋白打上大概5分鐘就會變乾性發泡。

第一次用新買既模,感覺既興奮又緊張! 興奮係終於有左第一個戚風模,緊張係如果用戚風模都烤失敗既話,埋好大打擊?! 哈哈哈哈! 就係咁,戰戰兢兢咁做左第一個用戚風模做個戚風蛋糕喇!! 本來既食譜係朱古力戚風來既,但因為屋企有罐Strawberry粉末就來過期,所以就斗膽將朱古力換成strawberry喇!

開始打蛋白時真係好成功架!! 可以講打咁多次呢次打到係最靚既,當將所有材料混合後,麵糊倒入模果剎那依然係好靚,令我好期待蛋糕既誕生。再睇埋蛋糕係烤爐裡面發到高高時我真係以為自己成功左架!! 點知,當蛋糕烤好後一將它倒扣,蛋糕竟然似洩氣既氣球咁,回縮得令人震驚!! 整個蛋糕係個模到跌左落來。當時心情冷左一大個。。。 無言。。。

收拾好殘局後,思前想後,認為可能係罐strawberry粉末並唔適合放太多而減少低筋麵粉既分量。所以決定隔天再試過。今次跟足食譜,一字不漏! 終於,成功喇!!!! 好開心啊!! 濃濃既朱古力戚風蛋糕,就係咁樣誕生左啦!!! :)

原食譜係來之芝芝廚房。:)

2011年5月11日星期三

黑糖無油戚風蛋糕 (失敗版)

原本買左包黑糖想話做朱古力香蕉磅蛋糕既... 但係唔知點解買嗮所有原料返來既然覺得好懶做... 可能步驟太多而嚇到我呱.. 思前想後之後決定做啲比較無咁多步驟而且睇落簡單既戚風蛋糕..

依然係果句,打蛋白始終唔係我既強項. 早上做第一次蛋白又打過頭! 蛋糕依然可以吃,但就無咩口感咯... 好唔甘心,所以當晚再試一次。今次我無將蛋白打到乾性,打到溼性就快快將麵糊加入。可能係比較緊張,一攪拌好就將它放入烤爐喇!哈哈!出來效果?好過第一次,但係依然唔夠稱心滿意果只咯...

第一次,蛋白打過頭,火山爆發!

第二次,溼性發泡,還可以,就係唔夠綿密!

朋友講可能係我無用戚風模既關係,所以蛋糕體睇落去唔係咁彈性。之前我無買戚風模既原因係,因為睇襯都係大尺寸既但係果日竟然俾我睇到有埋六寸既戚風模!! 所以一定要盡快買返來再試做先之得!! 哈哈哈哈!!

2011年4月28日星期四

日本棉花蛋糕

自從睇完一位網友既部落格後,一直都心痕痕很想試做呢個蛋糕,無奈每次都因為某些因素而耽擱左個timing。

今日襯個仔返左學,材料又有齊而且又無人阻頭阻世之下終於開工烤蛋糕喇!! 初初仲以為自己會搞到一鍋泡,事因自己對打蛋白並無十足既把握。而且將麵糊同蛋白攪拌既動作一向都係我最弱既部分,所以好多時候蛋糕都會顯得唔夠鬆軟。

有時我仲係覺得,做蛋糕都好睇天時,地理,人和。當個timing夾到,做出來既蛋糕點都會有返咁上下,如果唔係,就係咁先。。。話說回頭,今日唔知點解打蛋白同攪拌麵糊都好得心應手。當將攪好既麵糊拿去烤時,心想今次一定會成功。因為麵糊實在太靚喇!! :)

出爐後果一剎那睇到個蛋糕烤得咁好真係令我心花怒放!! 快快脆去拿相機拍低個人認為好靚既蛋糕!! 哈哈哈!! 棉花蛋糕,真既糕如其名,入口即溶!! 點可以錯過啲咁美味既蛋糕呢!!

真係好多謝Lim既無私,我先之可以品嚐到咁好味既日本棉花蛋糕啊!! 

2011年4月7日星期四

阿茂整餅 (原味造型餅乾)


有人同我講過,整餅容易過整蛋糕。所以,一開始對烘培有興趣時,我係學人做餅先既。依稀印象中,我第一次係做芝士餅。我仲記得當時唔知係因為烘爐問題或係時間拿捏得唔好,烤出來既餅係半生熟既。當其事我有再放入烘爐烘多幾分鐘,但依然好似無乜幫助咁。。。所以將啲餅放上平底鍋上熱熟它!!(哈哈哈哈!!)事後請朋友吃,朋友講口感似狗餅。。。 T_T


事隔多年,我又開始學人再整過餅。今次係因為以為可以俾個仔帶返學校吃。但整餅真係需要好多耐性!可能係家裡既烘爐唔夠大既關係,我足足烘左四輪先將啲麵團搞掂!!再加上糖既分量拿捏得唔好,個人認為啲餅有啲甜,為免個仔吃太多甜食唔健康,所以只俾他試左少少,其他既自己吃嗮。。。 T_T

我始終覺得,整蛋糕會容易過整餅。但如果你依然有興趣想試做這個餅乾,按此到原食譜。

2011年4月2日星期六

大蒜會開花嗎? (2)

攝於02/04/2011

相隔一個星期後,大蒜開始有啲動靜啦!! 已經可以睇到大蒜開始發芽。

廚房

剛才睇到一篇網友半夜係廚房動工做蛋糕既文章,令我有感而發既寫下呢片網誌。。。

我熱愛烹飪,也愛烘培。仲記得以前讀中學既時後就經常約三五好友來我家亂煮一場。幸運既話,會煮出美味佳餚,當然好多時候都係白忙一場,搗亂多過煮食。好多時候,煮出來既嘢都唔係咁理想。。。

最近,有位朋友提醒我,有次我哋夾手夾腳想話係聖誕節時,親自做啲小朱古力來送俾朋友。她仲同我講,唔知點解當時我哋整下整下,烘爐竟然出煙,嚇到我哋快快將烘爐既插頭關閉!! 之後仲俾我爸教訓一餐!! 哈哈哈哈!! 其實,過程我倒係忘記。我只係記得當時我哋親手做既朱古力係失敗既,然後就0係好唔心甘情願既情況之下以"太公分豬肉"方式將所有失敗朱古力分嗮。。。 哈哈哈!! 當時有無將啲失敗朱古力送俾人我真係唔係咁記得。只係依稀記得啲朱古力唔好食。。。

雖然果時好多時候煮出來既嘢都唔係幾成功,但我心中果團火依然無熄滅過。我對烹飪依然有著濃濃既興趣!! 經常會試下做啲比較簡單既甜點來滿足自己既慾望。

直到我結婚之後。。。 因為只有我同老公兩人一起生活,所以好多時候都係饗外面吃左就算。唔知點解,原本經常出外用膳既我哋突然間有想吃住家飯既衝動。就係咁,我既煮婦生涯就開始喇!! 心中果團火又再燃燒起來喇!! 每日放工返到屋企後,最開心就係哩係個廚房度大展拳腳展示我既三腳貓廚藝!! 果時既我,真係每日返到公司第一時間就係上網蒐集食譜,安排下個星期要煮既菜,然後一到星期六就會去吧剎度報到買我所需要既材料。雖然果陣時我唔係全職既家庭煮婦,但睇住老公吃我親手煮既宋,真係令我煮得不亦樂乎!!

直到我生完寶寶,因為家公家婆年事已高,老公覺得應該要搬返鄉下同他們一起生活。就係咁,我既煮婦職位就有左變動喇。。。畢竟呢個唔係我真正既家,好多時候我需要同家婆共用一個火爐。再加上家婆有個怪癖,唔鍾意人地碰她啲煲煲碟碟,所以我更本無咩機會可以下廚。

曾幾何時,我都有個屬於自己既小天地 - 廚房。 但係呢個小天地已經成為我既過去。。。有時,睇到人地可以係個廚房度忙成日,真係會又羨慕又妒忌。。。

2011年3月27日星期日

胡姬花


買左DSLR已經有一段時間,但感覺好似好浪費咁... 本來想到幫仔仔影低他既成長過程,點知覺得部相機太大唔係咁易帶來帶去..... 所以唯有幫啲花花草草來影下先啦.... T_T

2011年3月26日星期六

大蒜會開花嗎?! (1)

一直都很好奇,如果大蔥可以直接插進泥土裡種,那大蒜又可不可以呢? 直至近排,因為仔仔已經開始上托兒所,早上有了多餘既空檔,所以除左做蛋糕之餘我又有另一個嗜好喇!!

一直都對花花草草有興趣既我,好早前就已經嚮往係家既四周種植好多好多唔同種類既花. 奈何以前仲係住係吉隆坡時我係住公寓既,所以地方有限. 而呢家搬返來美里可講係可以圓我心願....

話說回頭,就係因為好奇心的驅使之下,我決定試下種植兩棵大蒜睇下到底大蒜會唔會開花喇!! 若然開花,大蒜花又係點既呢?!! 偷左家婆兩粒大蒜,直接誒種係草地上,今日開始計時,期待我既大蒜開花!! 加油!! :)

26/03/2011 開始我既第一次大蒜種植。大蒜花,我等你哦!! :)

蘆薈種植記錄

聽人說蘆薈渾身是寶,所以去年特地去買了一顆來種! 又有人講,蘆薈係好粗生粗養既植物,只要俾足夠既陽光和水就會快高長大既喇!! 初時都唔係幾有信心自己可以種得好... 但係一想到若然成功既話,以後就可以天天敷著自種既蘆薈面膜時整個人就頓時開心起來!! 哈哈哈!!

點解會突然興起為蘆薈既成長記錄開個檔案呢,因為我發現我買返來果棵蘆薈生左兩棵小朋友啊!! 果然係天生天養!! 但可能係我既花盆唔夠大既關係咯,所以小蘆薈長來長去都係好似長唔大咁,把心一橫,將Baby同Mummy分開,種到另一邊去!!

蘆薈Baby No. I (25/03/11移植到地面)
蘆薈Baby No. II (25/03/11移植到地面)


試試將兩棵小Baby移植到地面,睇下是否能夠超越Mummy變得更大棵!! 加油!! :P

2011年3月4日星期五

檸檬牛油蛋糕


來更新我既部落格,發現呢個檸檬牛油蛋糕居然仲未公諸於世!!! 哇!! 原來我真係懶到咁架!! 講出來真係慚愧!

曾幾何時,呢個蛋糕可以話係風頭一時無兩,去到邊個部落格你都可以發現它既踪跡. 果時都有想整個來試下架,但係礙於當時功力未夠所以唔敢亂來.. 哈哈!!

言歸正傳講返個蛋糕. 若然你好想吃牛油蛋糕,好鍾意吃牛油蛋糕又或者你鍾意檸檬既香味,呢個蛋糕一定係首選!! 酸酸甜甜既味道,肯定令你吃到一片接一片!! :)

今日就來試下啦喂!! :)

2011年3月1日星期二

肉乾肉絲麵包


肉乾肉絲麵包,算係我小時候最愛既早餐之一. 我仲記得賣肉乾麵包既叔叔只有係星期二同星期四先之會來吧剎既,所以我同細佬經常會"提醒"媽媽去吧剎度買肉乾肉絲麵包俾我地吃. 現在想起,依然好回味,好想念!!

其實點解會突然想到呢個麵包,係因為啲肉乾同肉絲0係新年時吃唔嗮,所以就拿啲麵包加幾塊青瓜一起夾來吃. 雖然係簡單,但味道依然美味!!

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...