我仲記得我小學時候阿媽通常都會炒飯給我同細佬帶返學校吃.可能我媽覺得我生得比較細只,驚我下課既時候唔夠人地爭呱,所以晨早流流就起身炒飯給我地帶返學吃.
我阿媽識炒好多種唔同款式既炒飯架!!所以就算一個星期帶足五天炒飯我都毫無怨言,皆因我媽每天一定會準備點唔同款式既炒飯給我們帶返學!!我都好希望可以將所有我阿媽以前曾經炒過既炒飯重現江湖,來同大家分享分享!!
蝦仁炒飯就係其中一款既方便又美味既炒飯喇!!材料方面單單睇個飯盒你就會知道應該用啲咩材料.一點都唔花巧.大家一起來煮下睇啦!!!
材料: (適合2個人)
桂豆 - 6條(切粒)
雞蛋 - 2粒
蝦仁 - 10只(去殼)
冷飯 - 2碗
蒜蓉 - 適量
調味料:
鹽 - 少許
醬油 - 1茶匙
嗮油(Soya Sauce) - 1茶匙
胡椒粉 - 少許
做法:
1. 先熱鍋爆香蒜蓉, 改用中火,放入蝦仁,桂豆炒片刻.
2. 然后再加入雞蛋, 略炒一下就可以將冷飯加入兜炒.
3. 當炒到啲冷飯同蛋汁完全混合一起時, 就可加入調味料, 再兜炒片刻. 即成.
注: 隨個人喜好,您也可以加多粒荷包蛋,腸仔或其它配料.
没有评论:
发表评论