2009年3月24日星期二

馬來文?! 英文?!


老實講, 當我第一次見到呢個banner既時后真係覺得有啲好搲頭, 好唔明白點解細碟炒粿條會貴過大碟既炒粿條既呢?! 回家想了又想都係想唔到個答案出來, 因為無論係拿來拼馬來文或英文, 個"B" [B - Besar 馬來文"大"既意思] / [B - Big 英文"大"既意思] 都一定係用來形容"大", 而"S" [S - Sikit/Senderhana 馬來文"細/中"既意思] / [S - Small 英文"細"既意思]通常都會係形容細或少既. 咁點解大碟炒粿條會平啲呢?! 難到呢間店既店主鼓勵多啲人來試下他炒粿條既手勢?!

在想唔通既情況之下, 我選擇左影低呢個Banner, 念住放上我既部落格道同大家分享兼研究研究下. 點知, 就係我好努力咁寫緊我既部落格之際, 突然俾我發現其實係我想太多, 因為呢個Banner一點問題都無而有問題果個其實係自己... 怪就怪平時上課無聽書, 老師教緊書時我係度發夢.

呢個Banner其實係發揮左馬來西亞多元種族既威力. 原來"S" 係代表 - Special, 而"B"則係帶表 - Biasa (應該係咁呱, 因為除左咁既解釋, 我想唔到點解"S" 會貴啲). 馬來西亞人精通多國語言, 平時談天我地都會慣左用唔同既語言去同身邊既人溝通. 就連依家既Banner語言都變成參來參去?! 又或者其實Special係馬來文來架?!! 

2009年3月20日星期五

燜鮑魚


我唔係經常有得吃鮑魚, 亦都唔識得點樣去品嘗鮑魚. 記得第一次吃鮑魚係過年既收工宴, 老板請我地一人一盅鮑魚人參湯. 我仲記得果盅湯既腥味有幾咁"濃郁"!! 以致我對鮑魚無乜喜好. 之后就無吃過喇..

若干年后既今日, 家公請我家人一起去吃飯 (忘記間店名叫咩名), 叫左一人一粒"細"鮑魚做頭本, 所以我應該算今次係我第二次吃鮑魚. 今次鮑魚係用慢火燜果種, 味道果然與眾不同. 又或者它細細粒所以感覺好似吃唔夠咁, 哈哈!!

但我真係唔係幾明白點解鮑魚會賣得咁貴, 事關我真係覺得它麻麻地好吃唧喔... 又或者我仲未吃過靚鮑魚?! 老實講如果俾我選擇罐頭鮑魚同鮮鮑魚, 我覺得我會揀罐頭鮑魚囖.. 哈哈哈哈!! 我真係無乜大志啊!! 

2009年3月18日星期三

耽誤班機日 - 21/02/2009

2月21日2009, 星期六, 晴天. 一個值得我寫日志來"紀念"既日子.

果日, 我同老公其實係應該搭最早果機(7.25am)飛返Miri去睇仔既. 因為張機票係星期五晚先打電話去訂既, 所以我地都好乖咁凌晨5.30就叫左德士去機場喇. 去到機場時大概係凌晨6.30左右, 我同老公check-in左之后見到仲有時間就想話去機場附近果個Medan Selera度吃下早餐啦... 因為每次都向飛機度吃都無乜新意. 就係咁, 吃出事喇!!

我地嘆完我地既早餐后, 就慢慢咁漫步去Boarding Counter度等上機喇. 當去到Boarding Counter既時候, 發現果度已經空唔一人, 當時我都有覺得怪怪地既, 但我只係以為當日去Miri既乘客比較少, 所以就不以為然咁坐住等喇.. 老公警覺性比較高, 于是他就去問其中一個職員喇. 一問之下, 竟然發現我地要乘搭既飛機原來已經準備要起飛啦!! 當時時間係7.15am.

苦苦哀求下, 班所謂既工作人員完全就無動于衷. 只係死猛講柵欄門已經關閉, 我地唔可以再上機喇... 然后講我地其實Checked-in左就應該乖乖坐住等而唔係走來走去.. T_T 我就同他們理論, 講時間都未到, 因乜解究飛機咁快就起飛呢?! 我覺得如果他們肯幫既話, 或者我們仲可以上到飛機既!! 因為當時既時間飛機係真係無可能已經開始起飛. 只可惜, 果位工作人員睇兩睇他手表后, 就直接講"無能為力"...

當然, 我同老公都有錯, 錯就錯在我們太過自信, 憑我們搭過咁多次既經驗, 覺得飛機唔會早飛. 點知, 就出事喇!! 無辦法之下, 只好買過另一張機票等下班機.... :( 然后同自己講, 以后唔會再因為早到去吃早餐而錯失班機!!!!

P/S: 我之所以點解要Posted呢張相係因為我想講, 果日只係我地唔好彩. 因為, 平時既話 Airasia 係唔會咁準時起飛既... 雖然唔係影到好清楚, 但依稀都可以睇到飛機起飛既時間係8.35pm,但我地等到8.32pm仲係度等緊Boarding啊!!

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...