我第一道煮給我老公吃而又像樣d既菜因該就係呢味炒姜雞喇. 雖然講我依家也無係好識煮, 但係唔多唔少都會換下點菜式既... 回想當年剛剛作為人妻, 好多時候都係出外吃大排檔. 浪費錢之余有時真係可以講吃味精吃到嘴都歪埋..加上之前份工既時間又撞到砰砰聲, 返到屋企煮得飯來都無時間坐低休息又話到左睡覺時間了.. 好多好多既理由, 導致我好懶去煮我既晚餐... 而且如果有煮既話都會係啲超簡單既菜式. 就比如呢碟炒姜雞喇!! 通常我都會先將啲雞腌過夜, 然后回家后直接從雪柜里拿出來兜兩嘢又話有得吃喇!! 得閑您都可以試下架!!
我用既材料有:
菜園雞 - 半只(約1斤重) (斬至細件)
姜 - 半塊 (切片) (可隨個人口味加多或減少)
麻油 - 1湯匙
腌料:
蠔油 - 1茶匙
醬油 - 1茶匙
生粉 - 1茶匙
調味料:
蠔油 - 1湯匙
醬油 - 1湯匙
糖 - 1茶匙
水 - 100ml
做法:
1. 先將雞用腌料腌過夜 或腌大概半個小時.
2. 熱鍋, 落麻油爆香姜片.
3. 將腌好了既雞放埋落鍋度炒大概5分鐘.
4. 放入調味料, 再兜炒大概2分鐘, 用鍋蓋蓋好燜10分鐘.
5. 開蓋, 炒至汁微收干就可以上碟喇. 趁熱享用.
没有评论:
发表评论