2010年5月21日星期五

檸檬牛油蛋糕


近日愛上烘培牛油蛋糕 除左係因為買左包低筋粉未用嗮之外, 最大既原因就係牛油蛋糕容易做!!! 而且越做越得心應手!! 從第一次既綠茶蛋糕失敗後, 第二次既綠茶雲石牛油蛋糕雖則話就話係比之前既鬆軟啲, 但到最後依然係狗狗最捧場!!

Practice make Perfect ---> 呢句話係我家婆同我講既. 但唔知點解當她聽到我講今日我又要做蛋糕時她竟然講: "吓? 又做?". 我想, 有兩個原因促使她衝口而出講果句說話. 第一個原因: 我整既果兩次牛油蛋糕都唔好吃, 她只係應酬式咁試少少. 第二個原因就係: 我真係整得太密. 一個星期裡面加埋今次一共做左三個牛油蛋糕. 她老人家唔可以吃太多蛋糕.

但係, 到最後我都係整左. 經過上兩次既經驗同我講, 我今次一定唔可以再衰俾人睇. 我要你地幫我吃嗮它!! 哈哈哈!! 痴左.... 今次我做既係檸檬牛油蛋糕, 原因係家婆每日會飲一杯檸檬水, 所以我屋企檸檬多的是. 除左唔洗煩材料外, 上網有好多檸檬牛油蛋糕既食譜. 個個烘左都贊到天上有, 地下無咁. 我當然拾輸啦!!

果然, 網上啲人唔呃人架!! 檸檬牛油蛋糕真係好好吃, 好搶手啊!! 烘好之後唔到半天就俾人吃嗮左!! 就連平時超嘴叼, 上兩次只幫襯我吃少少既家婆今次都博命咁吃!! 哈哈哈哈!! 今鋪真係唔洗逼啲狗狗幫我吃嗮啦!! 檸檬牛油蛋糕萬歲!! :)


剛出爐既檸檬牛油蛋糕.. 家婆講: 今次烘得靚啲.. 哇哈哈哈!!!

2010年5月18日星期二

綠茶牛油蛋糕

今次係我第二次整牛油蛋糕, 雖然整到無出邊賣既咁松化, 但我已經好心滿意足喇!! 第一次整係跟住上網睇到既某個食譜做既, 做出來後連自己都唔好意思拿出去俾人吃. 還好家公家婆依然做我既白老鼠試吃, 仲安慰我講"都唔錯既啦, 係硬啲姐..." 之後, 搞到我都唔忍心放係度獻世. 拿左俾狗吃.反而係啲狗吃得好開心....

為左唔想咁面蒙咁難落台, 所以我決定隔日再整多一次!! 今次我無再上網挽資料, 而係打電話返娘家問我阿媽.. :) 我將我做既步驟同埋用既分量講俾阿媽聽, 阿媽聽後話"你係邊本書學架? 點解啲麵粉放咁多既?" 所以, 我知道尋日我做既牛油蛋糕係衰左係啲面粉到!!! 所以話, 上網挽資料都要睇運氣, 萬一撿到個亂俾配方既就弊啦!!

記好阿媽俾我既配方, 然後自己再上網挽個另一個食譜(今次我比較聰明, 拿阿媽俾我既配方來同啲食譜比較下, 出入唔大先之抄!!) 整出來果然係: 好開心啊!! 同尋日既真係好大出入啊!! 無論係鬆軟度同埋賣相都俾尋日好好多!!! 我成功啦!! :)

剛出爐既綠茶牛油蛋糕

表皮脆口, 內裡鬆軟度適中!! 贊!! 嘻嘻..

2010年5月17日星期一

蒸饅頭

因為上次整麵包買左好大包中筋面粉, 又唔想再整返同樣既麵包, 所以就上網睇係下中粉除左可以用來整麵包之外仲可以整啲乜嘢. 上網搜索左好耐, 發現最容易整既就係饅頭. 所以就毫不猶疑咁抄左個食譜來試做喇!!!

但係唔知點解, 出來既效果依然係同人地既好大出入!!! 雖然我整既饅頭都幾軟熟下... (個人認為!! 哈哈哈)但外表就真係差好多囖.... 還好整左出來後都有人幫襯(試吃), 如果唔係真係唔知點好...!!

完全唔似饅頭既饅頭... (獻醜,獻醜)

我唔知道原配方可以整到幾多粒饅頭, 但我就可以切到有十二粒咁多. 可能我切得比較薄所以比較多呱... 所以就算每人幫襯我吃一粒都唔可以當日吃嗮(因為家裡人數唔多...) 但係, 我又嫌啲饅頭放隔夜後會變好硬. 所以, 我隔天就拿啲饅頭來改裝做左全家人既早餐:

改裝變成早餐既蒜茸饅頭!!! 哈哈哈哈!!!

2010年5月9日星期日

你跌倒唔可以哭吓!!!

最近天氣超熱, 適逢今日係禮拜六, 所以就全家出動帶埋仔仔一齊去廣場度嘆免費冷氣. 通常我家小朋友來到商場就一定好似剛剛放監咁亂咁跑, 所以我呢個做啊媽既每次都要好似顛婆咁大聲係後邊"喝"他. 今日也不例外.

我個仔今日唔知點解失去水準跑得無平時咁穩, 連跌兩嘢落地下(平時他係唔會連跌兩次咁多既), 所以就鬧情緒哭左一陣. 之後又再恢復原狀係咁亂咁跑. 我唯有再次好似顛婆咁大聲喝: "唔可以再跑咁快!! 如果唔係, 你跌到唔可以哭啊!!".. 之後我聽見我隔離路經既女仔同她朋友講: " 吓? 跌倒唔可以哭? 咁搞笑?" 我心想: 關你叉事咩?!!! (請原諒我既粗洙無禮).

我之點解突然有感而發寫低呢篇日記係因為我又想借題發揮. 就好似今日路經我身旁果位小妹妹咁, 人好多時候都唔會去了解整個過程就開始好似"仙家"咁俾評語/批評人地. 好多時候人就係鍾意聽啲唔聽啲咁就亂咁定人家死罪. 我覺得當你唔係好肯定人地點解會講咁既嘢時請唔好講咁多嘢囖!! 我明白把口生係人家度人家鍾意講咩我係阻擋唔到, 但係感覺就係唔爽因為她講嘢俾我聽到... :(

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...