2010年10月12日星期二

紅茶蘋果乳酪雪藏蛋糕


都有一段時間無烘蛋糕了, 可能係烘來烘去都係過幾款蛋糕,所以有啲提唔起劲.. 但係叫我整啲複雜啲既蛋糕我又怕整到一塌糊塗,出來效果唔好而挫我信心.... 所以唯有停工一排上網再睇下有無啲咩又靚又容易做既蛋糕食譜喇!!

就係咁, 挽啊挽, 搜啊搜... 晚晚係咁坐係個電腦前面一個一個食譜睇透透(因為太難既我唔識做, 也未敢放膽試). 終於, 係Carol處挽到呢個咁正既食譜喇!! 呢個蛋糕唔但子樣靚兼容易, 就連個名都架勢堂個人啊!! 蛋糕名叫"紅茶蘋果乳酪雪藏蛋糕"聽落真係好似啲上流社會飲茶先會吃到咁!! 哈哈哈哈哈!!

注: 原食譜既蛋糕係有搽上白蘭地同果膠既, 因為我兩樣都無, 所以免了..

2010年10月6日星期三

薑汁撞奶

試左四次, 飲左三碗薑汁牛奶, 第四次先之撞成功... 其實都唔知可唔以話係成功, 因為感覺真正既薑汁撞奶應該會係比較實啲既(類似豆腐花咁既口感)... 但係,睇住個湯羹無沉落去, 真係感動到差點流淚... 哈哈哈哈!!

聽人講做薑汁百分百成功既秘訣就係需要一個食物溫度計, 可能就係因為我無用溫度計來探溫度, 所以造成我失敗多次. 無論如何, 最後都係得既!! :)

無溫度計但又想試做薑汁撞奶既朋友, 不妨試下我既方法啦!! 反正就算唔成功, 飲下薑汁牛奶都幾唔錯架!! :)

材料:
鮮奶 - 200ml
糖 - 1大湯匙
薑汁 - 2湯匙


做法:
1. 將薑磨成茸然後隔渣取薑汁(2茶匙),放於碗中,備用
2. 把200ml鮮奶倒進小鍋中,用慢火煮熱. 睇到微微出煙就可以熄火. (千其唔好將鮮奶煲滾!!)
3. 熄火後加入糖攪勻, 然後直接將奶撞入(1), 靜候3-5分鐘就得喇!!

P/s: 撞之前記得將啲薑汁用湯匙攪一攪, 撞後就唔好多手碰只碗啦... :)

2010年10月4日星期一

牛奶布丁


唔係搞笑, 杯牛奶布丁真係正到爆!! 口咁滑溜唔在話, 就連個味道都啱啱好先之一流!! 咁好吃既甜品, 令我有股衝動立刻就寫低呢篇嘢來同大家分享!! 正所謂: 獨樂樂不如眾樂樂, 咁好吃既嘢一定要同多啲人知道分享既啦嘛!! :)

長話短說, 原食譜在此. 但我稍微作左少少改變. 事因我呢度買唔到北海道3.6牛奶, 所以我改用Pura Milk, 原食譜用既係魚膠粉, 但因為我之前有用剩啲魚膠片所以我用左3片魚膠片(相等於6g).

希望你哋都會鍾意呢個甜品啦!! :)

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...