大蒜炒虾球

我果日问老公钟意食咩菜, 我老公竟然同我讲他钟意吃既菜我可能唔识煮. 他分明就係挑战我. 所以我就叫他选佐一样菜. 点知他选佐大蒜.

他真係好钟意吃大蒜, 我知道. 但是因为我对大蒜既煮法有限,所以有几次他叫我买来煮我都"乍加依"推左....

今次真係唔衰拿来衰, 唯有顶硬上啦!! 我以前经常睇阿妈煮都係拿大蒜来炒烧肉. 但係买唔到烧肉, 惟有买d虾来试下睇啦... 应该都会ok呱.... 点知出来既効果, 又真係几ok既喔!!! 大家不妨试下睇啦!!

我用既材料有:

250gram 明虾
8棵 大蒜 (随个人喜好, 多都可以.)
少许 蒜茸
少许 姜片

调味料:

1汤匙 蚝油
1汤匙 酱油
1茶匙 糖
250ml 水
少许 生粉 (用来开芡)


我既做法:

1. 先用少许生粉, 盐, 胡椒粉腌虾, 备用.
2. 将大蒜洗净, 切段, 备用.
3. 先将蚝油, 酱油, 水准备好在一个碗里, 备用.
4. 开一镬滚水把(1)料放落去烫一烫捞起, 备用.
5. 开另一镬放少许油, 先爆香姜片同蒜茸. 然后加入大蒜同虾球兜炒一下, 加入(3)一起炒.
6. 加盖慢火煮大概5分钟, 最后一边兜炒一边淋入芡汁. 汁微收干就可上碟.