美味咖哩雞

尋日突然間想到我上個星期有買到包咖哩料仲沒煮﹐所以就"啦啦臨"去買左包椰獎同d馬鈴薯返去屋企煮咖哩。。。

其實依家d人煮咖哩真係簡單左好多﹐(因為以前睇阿媽煮咖哩都需要準備好多野)。而依家大部份既巴剎(菜市場)都有d專門賣咖哩漿料的檔口﹐你只需要同佢講你要煮既係咩野肉類﹐喜歡既辣度同埋幾多個人吃﹐佢地就會幫你拾d漿料順道教埋你大概點煮(可能佢睇得出我係新手... n_n)

老實講﹐我個人就覺得巴剎(菜市場) 賣既咖哩漿料會好味過超級市場賣既果d﹐因為它既濃度同埋香味都係剛剛好。之前有試過在超級市場買現成既咖哩漿料﹐但煮出來既效果無咁好... 可能係我自己沒夠功夫或買錯左...

如果大家都鐘意吃咖哩既話不妨自己識下做﹐真係好簡單架!!

我用左既材料有:

1kg 雞
200ml 水
200ml 椰漿
1條 蘿蔔
3粒 馬鈴薯
1包 現成咖哩漿料
2湯匙 油

做法:

1。先用少許鹽﹐胡椒同生粉去醃雞﹐大概15分鐘。
2。馬鈴薯﹐蘿蔔洗淨切快﹐備用。
3。燒熱鑊﹐放油。當你見到鑊油開始有少少煙出就可以將馬鈴放落去炒﹐接著放埋雞再炒﹐最後放蘿蔔。
4。放水同椰漿﹐攪勻。(依段時間我用大火煮)
5。用中火燜大概20分鐘﹐就可以上臺。

注: 如果鐘意吃比較濃可以轉用細火燜大概一小時。(但要記得睇火!!)