2010年4月25日星期日

鼎邊糊

鼎邊糊係砂勞越既其中一種比較特別既麵食. 其實好早之前已經好想嚐嚐呢個名稱咁特別既麵食, 奈何美里賣鼎邊糊既檔口都係好早就收檔既. 所以, 我呢種瞓到太陽曬到屁股先起床既人(因為我要等埋我既仔仔醒先會一起步出房間.. 哈哈哈!!)就注定吃唔到啲咁特別既麵食囖...

終於有一日俾我等到喇!! 我既仔神咁早就爬起身, 俾他飲完奶後見他經已無咩睡意, 就快快脆幫他換好衣服然後同我老公大大聲講: 我今日要去吃鼎邊糊!!! 然後, 老公就帶左我去吃喇!!

我一直都好期待可以吃到鼎邊糊, 皆因聽人講得多, 鼎邊糊點正點好吃. 所以, 當日我既心情係幾咁難以形容!! 等啊等, 等啊等, 終於一碗熱辣辣既鼎邊糊放在我面前啦!! 首先當然係幫它影返張靚相先啦, 然後就, 我唔客氣咯!! 開餐!!

吃後既感覺係: 都算OK既, 味道比較淡點, 可能我個人口味比較重.. 個人認為, 鼎邊糊有少少似KL既麵粉茶果. 但卻係比較薄, 比較滑既麵粉茶果. :) 老公講, 鼎邊糊出名並唔係因為它特別好吃, 係因為它既煮法夠特別... 可惜, 我無勇氣站到賣鼎邊糊既檔口前幫他影"特輯"...

所以, 我唯有做下仙家, 簡介一下鼎邊糊既做法:

福州市民常用的早点。在铁锅里盛着蛤、香菇、虾米、葱、黄花菜及配料熬成的清汤,用火烧着,待铁锅上方四周烤热后抹上花生油,再将预先备好的浓米浆均匀泼 在内缘四周,烘干后铲入汤中,稍煮片刻即成,食之软嫩清香。福州人几乎家家都会做鼎边糊
.

有機會既話, 我會嘗試站到檔口旁邊, 影低製作過程, 然後再補貼鼎邊糊既煮法!! 哈哈哈哈!!!

2010年4月24日星期六

自製法式蒜頭麵包

第一次咁有衝動學人整麵包係因為睇到朋友將做左既麵包上載到面書道鬼死咁靚!! 令到我都忍唔住蠢蠢欲動想話開盧學人整返個!! 翻運整本烘培書, 睇到最容易做既就係呢個法式蒜頭面包, 所以就立刻買齊所有材料然後立刻動工!!

當然, 動工之前我仲特地打左個電話俾果位整面包整得鬼死咁靚既朋友問返兩三招防身!! 哈哈哈!! 但係, 我既面包出爐後依然宣告失敗!!!!!

好... 凡事都有第一次, 今次失敗唔等於永遠失敗!! 所以, 我會再接再厲, 勢必一定要整到一次成功為止!!!.... 係, 俾我整成功一次咁多我就好開心既啦!! 哈哈哈哈哈!!!!

現在就等我同大家分享我既失敗之作啦!!! :)

我無麵包機, 麵團係用手揉既, 所以睇得出並不圓滑..
麵團發酵, 睇落好似好成功咁.

卷起後繼續第二度發酵.

放入攪拌好既蒜頭奶油

我唔知道, 原來烘緊既面包仲會不停咁發大!! 爆啦!! 爆啦!!

成品... 要幾肉酸有幾肉酸... 哈哈哈!!!

都OK架, 如果你唔撿食既話...

總括來講, 今次整既麵包其實都唔算完全失敗既... 只係, 並唔係我想要既嘢咯... 同埋, 我終於知道用手來揉面團並唔係一件咁易既事來架!! 因為當晚, 我雙手酸痛到痺啊!!! 仲慘過唔知搬過咩重嘢咁!!! T_T

2010年4月21日星期三

Uncle Tobys - 芝士蔥油咸餅仔

當我第一眼係超市既道見到"它"時已經俾"它"既亮麗外表所吸引, 無奈價錢令我遲遲買唔落手. 直到有一日, 當我同老公又再次到來呢間超市買嘢時, 終於忍唔住把"它"放埋落架車仔道, 一起推去還錢咯.... 哈哈哈哈!!!

返到屋企後當然係迫不及待將它拆開來吃啦!! 哈哈哈哈!! 裡邊共有六小包蔥油餅仔, 每包共有三片蔥油餅仔同一格芝士. 味道如何?! 個人認為埋就好似啲普通既蔥油餅仔點芝士咁咯... 無咩特別可言... 老公講, 早知道買包蔥油餅仔返來點芝士仲值得啲啊. 點講都好, 買盒來試下總好過每次睇到它都心思思啦!! 所以依然都算值得既... :)

2010年4月20日星期二

The Grand Old Lady


同Tanjung Lobang Beach一樣, 呢個旅遊勝地都係唔知中文叫咩名堂, 所以依然都係用它既英文名稱代替. :)

老公講, 係美里(Miri)無去過"加拿大山"參觀呢個 The Grand Old Lady 就唔算係來過美里. 所以, 就算呢個地方點悶都好(我個人認為), 都一定要到此一遊!! 依家, 就又我為大家簡介一下 The Grand Old Lady 既少少歷史由來:

在石油未開發前,美里只是砂拉越北部一个小渔村。最早关于石油发现的记载是在1882年7月31日,Claude Champion de Crespigny(当时居住在砂拉越,峇南的英国人) 记载了当地人在人工挖掘的井里发现了石油。可是当时石油只被当地人用来修补船只和点燃油灯。

直到二十世纪初,美里的石油才受到倫敦重视。Anglo-Saxon Petroleum-当时蚬壳公司 (Shell)的子公司,被委任到美里进行考察及开采的工作。1910年8月 10日,蚬壳公司的工作人员成功在美里加拿大山上竖立马来西亚第一座钻油台(被称为‘第一号油井’ 名為The Grand Old Lady),并启动了马来西亚的石油开采工业。

所以話, 呢個旅遊勝地大家點可以錯過呢? 若然來到美里一定要來參觀參觀!!

採油工人正在採油... :)
當然, 除左第一号油井之外仲有其他嘢可以參觀既... 只係當期時實在係太太太曬啦!! 曬到我都痴痴呆呆咁, 所以只好是但影幾張相就算係交差啦... 點知老公睇相後竟然話我無心幫他影... 哈哈!! 俾他識穿左添... 乜啲相真係咁差咩?!!!

老實講, 我唔知呢個叫咩名堂... :P

呢個係叫: 時空容器 (Time capsule)
介紹採油歷史既圍牆

石油博物館外觀

石油博物館入門處

呢張相純屬個人喜好所以影底

石油钻机平台模型

在加拿大山可以睇到整個美里城市, 但我技術不佳, 所以影到唔靚...

總括來講, 若然你對歷史充滿興趣既話呢度不失為一個可以俾你探討歷史既好地方. 又或者你想上來吹吹風欣賞下風景既話呢度都係一個唔錯既地方來架!! 來美里, 一定要來加拿大山哦!! :)

2010年4月17日星期六

Tanjung Lobang Beach a.k.a Taman Selera


唔知Tanjung Lobang Beach既華語叫乜嘢, 所以只好用它既馬來名(?!)來做標題. 嚴格來講今次係我第二次來呢個沙灘, 如果唔係想話帶我仔仔去沙灘玩我睇我應該都唔會再去咯, 因為係我心目中, 呢個沙灘既海水唔夠清澈.... 哈哈哈哈!!!

相隔左咁耐再次來到呢個沙灘, 覺得它靚左乾淨左同埋啲海水清左, 同對上一次來做比較既話真係有少少唔同, 但係我想應該係退潮後海水將啲垃圾沖走左既原因呱... 就因為難得風景宜人, 所以特別影多幾張相來俾自己留念!! :)

一望無際既大海

橋墩

另一端既橋墩

有人話呢個橋墩有另一個名字叫"情人橋"

充滿松樹及松子既道路

路人甲坐在松樹下乘涼

望著藍藍大海, 真係咩煩惱都拋開嗮...

盡頭?!!

告示牌勸告到海邊遊玩既朋友勿遊太出, 小心巨浪!!

沙灘旁有好多小食店. (通常傍晚先之開始營業)

一邊享受美食, 一邊欣賞無敵海景. 正啊!!

希望可以找一日傍晚再來, 一來可以嘆下呢度既美食同飲我最愛既椰水, 二來可以影低呢度既日落!! :)


2010年2月2日星期二

攝影樂

注: 影呢張相時係因為覺得啲花既顏色好鮮艷但點知出來既效果竟然係個天空好鮮艷... =_=

其實我真係幾鐘意影相下架, 但就係覺得自己唔夠天份囖. 對我來講, 影相真係好講天份架!! 因為要識得去抓邊個角度影出來既嘢先至有感覺, 對我來講, 唔係人人做到.

有時真係好鬼沖動想去買架DSLR相機返來玩下, 但又唔舍得亂咁浪費錢, 一來係自己對攝影呢咔嘢唔係咁熟, 二來就係覺得自己并無咁既天份影啲咁靚既相. 所以避免浪費只好用著我架傻瓜相機來影東影西過下隱就算喇... :)

好多時候我都會找我個仔做我既模特兒, 貪他順手喇嘛... 然而, 細路呢咔嘢并唔係想象中咁易拍, 因為他們唔會因為你要影相而定格俾你影個夠本但我又無可能一日24小時攞住架傻瓜相機喔, 所以影十張分分鐘只係兩三張可以見得人...

影外景仲衰, 話就話外景唔會亂咁動來動去但就因為自己既"藝術眼光"唔夠獨到, 往往影左出來都唔知自己係度影啲乜... 認真係所謂既亂拍一通完全無主題... 影左出來可能自己會"爽"一下但往往睇返就會覺得好無聊!! 哈!!

雖然我上面講左咁多廢話, 但攝影依然係我其中一個嗜好. 可能影下影下, 覺得有啲進步, 咁可能真係會考慮浪費我的"斧頭"錢來買架DSLR玩下架!!! :)

注: 感謝我既私人模特兒肯乖乖俾我影呢張咁靚既相!! ^_^

2010年1月22日星期五

無題

哇!!今日睇返自己既部落格先發現自己原來咁耐無寫左啦...... 自從我決定左返來砂勞越做湊仔婆后就預左無嘢好寫... 難道真係要我日日夜夜寫我個仔既點滴? 日日寫真係唔知寫啲乜好既喔... 所以就情愿唔寫好過寫咯... 就連睇別人既部落格我都覺得懶啊!! 真係覺得自己越來越懶... 完全無嗮推動力... 覺得自己好似個廢人咁, 日日就係上上網, 照顧下個仔, 行行企企咁就一日.

唔知係埋我個人比較無所謂又或者係容易俾人說服, 唔知點解我終是覺得如果俾著係其他人一定無咁易罷休. 從一個做慣工既白領突然變成一個全職湊仔婆... 老實講真係唔係咁易適應... 我到依家都仲係覺得有少少唔慣... 話就話自己湊返個仔點都好過俾人湊, 但係如果俾我既話, 老實講, 我情愿俾人湊... 成日係屋企真係會悶到抽筋!!! 救命啊!!!

當初真係好掙扎, 究竟係埋真係咁需要我自己湊返個仔. 同朋友吐左一大堆苦水, 好多朋友也都有俾我好多建議/個人意見, 但到后來竟然係自己先低頭讓步. 朋友一定覺得我不知所謂... 對唔住, 令你地失望...

其實想到自己湊返個仔后自己會有多點時間來讀書以便充實自己, 但原來好多野都唔係想象中咁理想架... 我仔今年剛剛滿兩歲, 認真係好動到連我自己都無法想象!! 真係有時想話去廁所小個便你都擔心他唔知會拿啲咩來玩. 我依家就真係好似啲貼身保鏢咁, 日日24小時笈到實一實. 大部分既時間就係咁俾我既仔霸占嗮... 有朋友同我講:"你唔可以咁架!! 點到好, 一定要有啲私人空間俾自己架嘛!!" 唔.... 我無言以對...

從前我會經常同朋友吐苦水(雖然依家偶然都會), 但, 可能係自己漸漸想通左, 別人既理想生活未必係自己既理想生活, 術語話: 家家有本難念的經, 所以.. 習慣就好, 唔好埋怨太多... 人, 永遠都唔會滿足既...

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...