2009年6月24日星期三

豉油王雞翼

從來無想過會去煮豉油王雞翼, 原因係覺得咁樣既菜式應該會幾復雜化既... 但當我睇左食譜之后, 發覺原來并唔係我想象中咁難煮既喔. 就係咁, 我既第一碟豉油王雞翼就出爐喇!!!

係我既心目中, 豉油王雞翼應該會係咸咸地既, 但我煮出來既味道并唔係我想象中咁喔. 它既味道我唔知應該點去形容.. 有少少似姜醋咁既味但又無醋味咁囖...可能係我落冰糖落得多得擠呱.. 總係覺得咸啲應該會好味啲!! 嘻嘻!! 但係好彩, 總括來講碟雞翼都算幾好味既...

但有一點我可以肯定既, 就係我既老抽落得重手左, 而導致我既雞翼睇落黑媽媽咁... 哈哈哈!! 朋友話她都有煮過呢味宋. 她話俾我知宜家煮豉油王雞翼唔需要咁麻煩既啦... 去買支豉油王雞汁就搞掂嗮!! 一于聽她說試試她既方法!! 但如果你都想試下我既做法既話都可以既....

食譜係呢度!! :)

2009年6月22日星期一

肉醬意粉 (Spaghetti Bolognese)

通常我出街吃嘢好少會揀意粉, 除非果日我想吃. 點解唔揀意粉係因為我覺得出邊既意粉同自己煮既意粉味道大同小異, 與其在外面吃人地煮既不如自己煮俾自己吃埋仲有意義... 更何況如果自己煮既話可以落啲自己鐘意既材料, 幾好啊!!

其實煮意粉真係簡單又易學, 就算係一個對煮嘢吃一竅不通既門外漢也可以煮出一碟美味十足既意粉. 所以, 如果你唔係話好餓(因為煮即食面會快好多), 又想吃面既話, 意粉... 應該都可以代替即食面呱?.....

準備材料:
免治牛肉 - 200克
番茄 - 2粒(切細粒)
番茄膏 - 1罐 (250克)
大蔥頭 - 1粒(切成蔥末)
蘑菇 - 5粒 (切片)
意粉 - 250克
清水 - 適量
橄欖油 - 適量

做法:
1. 先煲滾一煲水, 加入一茶匙鹽同一茶匙橄欖油, 將意粉放入煮至意粉變軟, 瀝乾水待用. (煮意粉大概要等15-20分鐘, 我利用呢段時間來煮我既醬汁).
2. 熱鍋, 先爆香蔥末, 再加入免治牛肉, 炒至牛肉肉色開始變白然后逐一加入蘑菇片同埋番茄粒.
3. 之后將茄膏同100ml水加入. 若然覺得醬汁太濃, 可再加少少水調稀. 煮到自己想要既濃度即可.
4. 將煮好既醬汁淋上意粉面, 就可以吃咯!! 如果鐘意既話, 仲可以加啲芝士粉同香葉添.

開餐咯!!!...

2009年6月12日星期五

檸檬燜雞小腿

上個星期日買左10只連同雞小腿既雞翼, 麻煩老板娘幫我將雞翼同雞小腿砍開, 雞翼拿來煮左蠔油雞翼煲, 咁剩落來啲雞小腿點算呢?! 所以就拿左它來做呢味檸檬燜雞小腿喇!! 呢道菜可以講係簡單又野味, 酸酸味味, 拿來配白飯認真一流!! 當我煮緊呢味菜既時候, 聞到啲檸檬味都忍唔住口水直流啊!!! 哈哈哈哈!!!!

但我覺得美中不足既就係它帶有小小苦澀既味道, 可能係我燜既時間太長而導致檸檬皮既澀味出左來. 但我會再接再厲, 希望下次再煮既時候苦澀味會消失... 呵呵呵!!

材料:
雞小腿- 10只
生抽- 2湯匙
蠔油- 2湯匙
薑片- 10片
砂糖- 2湯匙
老抽- 2湯匙
檸檬- 1粒(切片)
     
做法:
1. 大火燒紅煲,落1湯匙油,爆香薑片,然後放雞小腿。
2. 雞小腿煎至七分熟或微焦,便加入其他材料,加蓋,炆煮大概10分鐘或至收汁,即成。

謹記:
1. 因砂糖及生抽好易煮焦,所以中途要翻動,不要讓牠黏底。
2. 檸檬好易變酸同老,應該係所有材料煮熟後先放入去。

2009年6月11日星期四

懶人泰式酸辣湯-冬陰功

其實想煮冬陰功好耐既啦!! 只係每次都只係得個想字而無去做. 上個星期日在菜市買菜時突然心血來潮, 就問老公想唔想吃Tom Yum, 老公講無問題, 所以就即刻買嗮所有煮酸辣湯既料喇!!

我所煮既酸辣湯係屬于懶人煮既, 因為我係用Tom Yum膏來煮湯, 等個湯滾左之后就將我所買既材料放埋入湯等多15分鐘就搞掂喇!! 其實酸辣湯通常都會用到海鮮來煮先之夠滋味, 但因為我既皮膚對海鮮有啲敏感, 所以我就只用蔬菜同豆腐來煮咯, 味道一樣掂架!!

先試煮簡單既冬陰功, 挽日再試煮正宗既冬陰功啦!! 哈哈!!

湯料:
冬陰膏 - 2.5湯匙(我鐘意啲味道酸啲)
香茅 - 2支
檸檬葉 - 適量(我放5片)
青檸 - 1粒
清水 - 4碗

材料:
花椰菜 - 隨意(鐘意吃幾多就放幾多)
小玉蜀黍 - 隨意(鐘意吃幾多就放幾多)
金針菇 - 隨意(鐘意吃幾多就放幾多)
豆腐 - 隨意(鐘意吃幾多就放幾多)

P/s: 反正我就係好隨意咁煮呢味菜, 所以可以隨個人喜好而放你所喜愛既材料.

做法:
1. 先將湯料煲滾, 將啲難熟既蔬菜先放入湯到滾大概10分鐘, 然后再放入其他易熟既蔬菜, 蓋蓋大火滾多5分鐘. 就可以開餐咯!!!

2009年6月9日星期二

蠔油雞翼煲


果日上網挽食譜, 俾我發現原來有啲咁超正既雞翼食譜. 點解我會用"超正"來形容呢個網站, 係因為它有好多好多唔同種類既雞翼煮法!! 就算餐餐食雞翼, 我睇都要整三個月既時間先之可以試勻嗮所有既雞翼煮法!! 但我無咁貪心, 所以我只係揀左幾道比較容易而我又鐘意吃既雞翼食譜抄左落來喇!!

我所抄既食譜里面, 蠔油雞翼煲係最簡單兼容易, 而且它所需要既用料係一般家庭都會有存貨既. 所以我打算第一道就試它喇!! 出來效果, 我覺得唔錯架... 只係啲冬菇唔係幾夠軟. 可能我準備時間唔係咁夠, 無用足夠既時間將啲冬菇浸軟啦. 如果唔係, 應該會好吃好多既!! 哈哈!!

如果你已經吃厭左啲咩燒雞翼,烤雞翼既話, 蠔油雞翼煲都係一個唔錯既選擇來架!! 有興趣不妨試下啦!!

原食譜在此 ----- > 蠔油雞翼煲

2009年6月3日星期三

姜汁云耳蒸滑雞


好耐都無更新我既部落格咯... 原因除左懶之外, 就係想唔到要寫啲咩.. 雖然當初想有個部落格來同朋友分享我生活既點滴, 但有時會覺得朋友唔知會無會覺得我無聊既呢.. 哈哈!! 無論如何, 我都唔會荒廢我既部落格既... 希望自己唔好咁懶努力咁挽多啲嘢來寫啦...

除左好耐無更新部落格之余, 我仲好耐都無開鍋咯... 皆因老公去左外地公干, 一去就去左差不多整個月. 自己一個人煮飯吃既話會覺得好無聊, 所以就索性出去外面吃咯.. 呢個蒸雞其實係老公出外公干之前就已經有左既, 只係自己懶散, 一放就放左整個月, 今時今日先將它放上部落里.

蒸雞其實係我既最愛, 皆因它烹調簡單之余又可以保留雞既原汁原味. 蒸雞食譜種類繁多, 而且無論點蒸都一定會好吃, 所以有時真係想唔到要煮咩宋時, 蒸雞就會係我最好既選擇喇!!

2009年4月20日星期一

夕陽無限好, 只是近黃昏

星期六, 炎熱天氣既日落, 時間:7.30pm左右

我屋企睇唔到日出, 但可以睇到日落. 每日放工回家, 通常我第一件會做既事就係去露臺度探下我啲花. 所以好自然地就會望出露臺度睇到日落喇. 但從未想過要將睇到既日落影低, 一來我用既只是傻瓜相機,影出來既效果唔會好靚. 二來我對日落無咩特別喜好. 因為每日都會見到既原因, 所以影唔影落來根本無咩大礙... ^_^

但係唔知點解, 上個星期六突然間心血來潮, 想學下班影像好叻既朋友影下啲風景像. 但屋企附近又無乜靚景喔, 想下想下不如等日落既時候影下睇啦... 就係咁, 一直癡癡呆呆咁等到傍晚喇... 日落終于出現啦!!! 啦啦臨拿出我架傻瓜相機, 都唔知影乜咁係咁影係咁影. 就係咁, 我第一張"傻瓜相機既日落"就誕生喇...

星期日, 天陰既日落, 時間:7.00pm左右

星期日, 天陰既日落, 時間:7.30pm左右

原以為天晴同天陰既日落都係差不多一樣既, 一樣會見到個太陽. 但原來天陰時候既日落, 太陽公公係唔會出現架... 真係覺得自己有少少白癡. 皆因平時真係好少去注意, 如果唔係咁ngam禮拜個日天陰陰咁日落無太陽, 我睇我到依家都會認為天陰既日落都會見到太陽既.

种植空心菜 (蕹菜)

最近天空老是阴晴不定,搞到我的心情也好像天气那样。。。闷闷不乐的。。。所以也不懂应该做些什么好。。。有时下午的时候,心情不怎么样,就会出来看看我的花花草草的。。。哦!也可能是因为我发现最近我的玫瑰花都给蜗牛攻击,但是却找不到蜗牛的关系吧。。。不...