蠔油雞翼煲

果日上網挽食譜, 俾我發現原來有啲咁超正既雞翼食譜. 點解我會用"超正"來形容呢個網站, 係因為它有好多好多唔同種類既雞翼煮法!! 就算餐餐食雞翼, 我睇都要整三個月既時間先之可以試勻嗮所有既雞翼煮法!! 但我無咁貪心, 所以我只係揀左幾道比較容易而我又鐘意吃既雞翼食譜抄左落來喇!!

我所抄既食譜里面, 蠔油雞翼煲係最簡單兼容易, 而且它所需要既用料係一般家庭都會有存貨既. 所以我打算第一道就試它喇!! 出來效果, 我覺得唔錯架... 只係啲冬菇唔係幾夠軟. 可能我準備時間唔係咁夠, 無用足夠既時間將啲冬菇浸軟啦. 如果唔係, 應該會好吃好多既!! 哈哈!!

如果你已經吃厭左啲咩燒雞翼,烤雞翼既話, 蠔油雞翼煲都係一個唔錯既選擇來架!! 有興趣不妨試下啦!!

原食譜在此 ----- > 蠔油雞翼煲