酥炸鸡柳

之前经常搞唔清楚"面包糠"到底係点用... 我有用它来炸过猪扒同鸡扒, 但係两个扒都係失败之作... 可能我仲没搞清楚点样去用啲面包糠就"懒叻"咁去学人用了... 好多时候我都唔明点解我已经照足菜谱既做法来做, 但往往出来既效果又会係另一会事, 所以有时真係会百思不得其解点解会失败, 觉得可能真係自己仲没够天份囖...

但经过一番既努力研究和参考多个食谱后, 我终于知道原来我以前既做法/用法係错架!! 原来我应该要先用太白粉然后用蛋液之后先之再用面包糠来粘住块肉... 这样炸出来的效果先会酥脆爽口. 难怪上次猪扒会失败啦... 害我仲以为猪肉uncle乱乱砍两件猪肉俾我交货.. 哈哈!!

今次我依足规矩, 一步接一步咁将啲鸡柳上粉,上蛋液再上面包糠. 炸出来既效果真係好好多啊!! 连老公吃左都话好吃过XXX炸香鸡!! 哈哈哈哈哈!!!

先用少许盐，胡椒，肉桂粉将鸡柳腌大概半个小时。

接着，准备好太白粉（生粉），面包糠同蛋液，备用。然后跟着步骤先上太白粉，然后蛋液最后先之将粘上蛋液既鸡柳用面包糠裹住

其实应该影埋用面包糠裹好既鸡柳，奈何我得一对手，整到邋邋遢遢，又赶住在老公放工返到家之前将宋菜做好，所以只好放弃。将来有机会再补上. 好喇, 言归正传. 落油热锅, 将裹好面包糠既鸡柳慢慢放入锅炸至金黄色就可上碟喇!!

睇!!香脆美味既酥炸鸡柳就此完成咯!!!