清蒸魚

我超喜歡吃清蒸魚. 一個星期一定有一兩日張吃飯臺會出現魚既. 喜歡吃魚係因為小時后有人話吃得魚多皮膚會靚一靚, 所以每次啊媽煮親魚我都係吃最多既!! (但唔知點解我皮膚依然唔靚....T_T). 鐘意吃清蒸魚係因為煮法簡單而且較有營養. 人年紀大左, 吃啲清清地既嘢比較健康啲... :D

清蒸魚一定要揀啲新鮮既魚先之可以吃到它既鮮味. 試過有次好想吃魚所以就去超市度買返屋企蒸, 點知蒸出來后完全唔係果會事. 魚腥味濃唔在講, 連啲魚肉都係棉棉既... (可能係我技術問題, 又或者係我衰運買到條唔新鮮既..) 但從此之后, 每當我想吃魚, 我一定係去菜市場道買新鮮既. 如果無我要既魚, 我情愿唔吃都唔敢去超市買魚來蒸咯....

超簡單清蒸魚既做法如下:

材料:
紅棗魚 - 1條 （大概1kg, 買既時候勞煩魚販去嗮啲內臟）
嫩姜 - 1快 （500g）
蒜茸 - 適量 （可隨個人喜好增加或減少，我個人認為多啲會香啲..)

調味:
醬油 - 適量

做法:
1. 先將嫩姜切成姜絲, 備用.
2. 將魚沖洗凈抹干, 然后用少許鹽抹勻魚全身.
3. 放入蒸鍋, 大火蒸5-10分鐘. 熄火, 唔好打開鍋蓋繼續虛蒸5分鐘.(利用呢段時間, 燒熱另一個鍋, 3大湯匙油爆香蒜蓉.)
4. 魚蒸好后鋪上姜絲, 淋上爆香左既蒜頭油, 加入適量既醬油既可趁熱享用!!