狂野的野菊

老實講，我並不知道呢種話係咪叫野菊。我只係知道它是屬於Asteraceae的大家庭。俗稱：Daisy。我嚮往種植呢款花多時，無奈並不知道邊度可以買到。（我是住在砂勞越） 

以前係吉隆坡時經常會係購物廣場見到有賣，自己也曾幾何時買過一棵返屋企種，但可能係因為無人指點既情況下，棵Daisy慢慢慢慢咁枯萎咗。可能係我淋水太多，又或者係淋唔夠水，真係唔知道。之後，就一直無種過喇。

來到砂勞越生活之後，都會經常去啲專賣幼苗既地方睇過，但老實說，呢度所謂既“Nursery"，更本都無咩選擇既。。。他們大多是賣啲大樹既幼苗，我從未見過有咩特別既花苗擺放係過度賣。畢竟種子比較多樣化，所以我通常都係會去買種子返去自己種。

但，世事無絕對，係一次機緣巧合既情況之下，因為就來過新年的緣故，我陪同我家婆去採購年花，既然俾我發現他們有賣！問之下，先發現原來他們係年近過年他們才會進入比較多不同品種既花。就係咁，我買左呢棵Daisy。

種咗大概兩年，近年好會開花。而且幾次開花都係”雙胞胎“，可能基因問題吧。每次睇到開花，心情就會好興奮！我希望棵花會一直長開長有！