紅棗雪耳龍眼糖水

平時周末唔洗煮飯通常都會煮啲糖水來潤下喉. 昨日心血來潮見到煲落既紅棗雪耳糖水咁靚就忍唔住幫她影左張相喇!! 咁既然影左相就緊係順便將她擺埋入我既部落格到既咯... 哈哈!!

我唔係第一次煲紅棗雪耳糖水, 但以前我都係將她燉到融融爛爛咁先之罷休既, 因為感覺好似所有精華都融化嗮吃左身體容易吸收啲.... (我個人認為....) 但因為昨日加左啲龍眼落去, 所以覺得將啲雪耳煲到剛剛好就夠啦, 換下方式啦嘛.... 估唔到出來效果非常滿意, 因為雪耳脆口, 龍眼爽口, 爽啊!!!!

材料: (兩人分)
雪耳 - 2粒
紅棗 - 半碗 (大概20粒)
龍眼 - 半碗 (大概15粒)
冰糖 - 1大粒 (視個人口味, 鐘意甜啲可以加多啲)
清水 - 4大碗

做法:
1. 雪耳用水鎮軟, 切走硬既部分.
2. 將四碗水, 連雪耳同紅棗一起煲大概1個小時, 再將龍眼放入煲多15分鐘, 就可加糖調個人喜愛既甜度喇!!!

雪耳湯水熱飲滋補, 冷飲解暑!! 正啊!!! :)